RARE SLOKAS FROM PURANAS-- 61 to 80
CONTENTS
61. ·Hymn on Lord
Krishna from Akrura--Brahma Vaivbartra Purana
62. Vishnu by Dhruva from Skanda Hymn on Lord
63. Sri Rudra Stuti – Lord Brahma – Sri Kurma
Purana
64. Sri Hari Stuti – Sri Radhika – Brahma Vaivarta
Puranam
65. Sri Surya Nama Varnanam – Sri Brahma – Sri
Bhavishya Puranam
66. Sri Rama
Stotram – Sri Bhargava Puranam
67. Shri
Lakshmi Stotram – Sri Bhargava Puranam
68. Ashtottara on Lord Varadarajaof Kanchipuram
69.
Varadaraja Stotram from Narada Purana
70. Shri Sati Devi Stuti – Brihad
Dharma Puranam
70. Shri Sati Devi
Stuti – Brihad Dharma Puranam
The following is a rare hymn on Goddess
Sati (Parvati) by Lord
Brahma, Lord Vishnu and Lord Shiva from Sri Brihad Dharma Puranam, Madhya Khanda, and Chapter 41.
brahma-viṣṇu-śivā ūcuḥ -
devī
prasīda
parame 'khila-mūla-rūpe
cidrūpiṇī parama-sūkṣmatarā sadāsi |
na śrūyase
na ca dṛśāpi ca labhyase tvaṁ
na dhyāyase ca paramāṇuhṛdā namaste || 1 ||
nidrāṅgatasya puruṣasya tanūruheṣu
gacchat-pipīli-gati-bodha
itīha yaśca |
saiva tvaṁ ātmani
suyoga-vivikta-citte
sūkṣmā'tisūkṣma-matireva namo'stu te vai || 2 ||
etādṛśaṁ parama-sūkṣma-taraṁ maheśī
jñānaṁ na saṁbhavati
deva-manuṣyakeṣu |
yastu praśakyatitarāṁ acalāvabodhaḥ
saivāsi muktir aparā praṇanāmi tubhyam || 3 ||
kiṁ saṁbhavet parama-sūkṣma-kalātmikāyāḥ
stotra-praṇāma-mananāni tavā'tisūkṣme |
tatrā'pi devī bhavatīṁ pratilabdhukāmāḥ
syāmo vayaṁ kṛpaya devī pariprasīda || 4 ||
tvaṁ svecchayā sṛjasi pāsi guṇatrayārhān
śeṣe ca saṁharasi no'pi jagat kiṁ anyat |
sthūlāsi
sūkṣma-paramāsi mahātmikāsi
tvaṁ niṣkalānavagamāsi niṣedhaśeṣā || 5 ||
sā'nugrahāt dhṛta-tanūrapi nirvikārā
bhrū-bhaṅga-mātra
kali-tāṇḍavayāsi devī |
tena praṇāma manana stavanādikāni
kāryāṇi
kurma iha devī vare prasīda || 6 ||
nirhetu-bhakti-sulabhe bhava-durlabhā tvaṁ
nirhetu-bhaktirapi durghaṭitā janeṣu |
tasmāc-chariīryapi śarīra-vibandha-hīno
yas tvāṁ smaret sa bhavatīṁ samavaiti loke || 7 ||
tvaṁ brahma-viṣṇu-śiva-deha-karī ca viṣṇur
ākāśa kālavadatīndriyakāsi mātaḥ |
brahmāṇḍa-koṭikasamuddharaloma-kūpā
kiṁ kṣudracetasi janaiḥ paricintanīyā ||
8 ||
dākṣāyaṇīṁ api satīṁ suruciṁ ravīndu
sāhasra-koṭi-rucikāṁ paritaḥ smarāmaḥ |
śyāmāsi candra-dhavalāsi ca hemagaurī
raktāsi cittaṁ-anurūpa-tanuṁ smarāmaḥ || 9 ||
tvaṁ vai samasta-kamalātmasu varttamānā
yad yan niyojayasi devī tadeva
sarve |
kurvanti cā'tha khalu ye
mama te'haṁ etat
saṁyak
karomyuta kileti śivāsi
māyā || 10 ||
kālī navīna-ghana-rūpa-parārddha-candra
vibhrājamāna
śubha-mauli-talāmalā ca
|
durgā
lasac caraṇa padmatalā bhavānī
mātā 'mbikā ca sadayā satataṁ prasīda || 11 ||
enaṁ śivaṁ sakala-pūruṣamagrya-rūpaṁ
bhīmaṁ triṇetraṁ api satvaparaṁ maheśaṁ |
tyaktvā
kathaṁ kṛta-vibhāvatarā sthitāsi
hyenaṁ nirīkṣya dayayā khalu jīvayā'smān || 12 ||
|| iti śrībṛhaddharma-purāṇe
madhya-khaṇḍe
brahma-viṣṇuśiva-
kṛta śrīsatīdevī stutiḥ sampurnam
||
69. Varadaraja Stotram from Narada
Purana
Translated by
P.R.Ramachander
Here is a prayer
addressed to Varadaraja of Kannchi puram temple taken from
Narada Purana. This great prayer is addressed to the Lord presiding
in temple at Thiruvehaa, which is near Kanchipuram. This lord is also called
Yathokthakari (He who obeys what is told to him). There is an interesting story
about this.
Once Lord Brahma wanted to perform
Aswamedha (horse sacrifice) Yagna in the hill near Kanchi called Hastha Giri.
Since his consort Saraswathi did not want him to do it, he took help from
others. So the enraged goddess came as river Veghavathi (fast moving river) and
wanted to destroy the Yaga. But lord Vishnu had decided to help Lord Brahma to
do this sacrifice and so he assumed the form of a dam across Vegahvathi and
stopped the waters. Vegha Sethu is that dam. This prayer is addressed to Lord
in the form of this dam.
He is called Yathokthakari because once when one of his great devotees wanted him , he relocated from Kanchipuram to Thiru Veha, with his folded bed (Adhi Sesha ). The Sanskrit text of this prayer is given in
He is called Yathokthakari because once when one of his great devotees wanted him , he relocated from Kanchipuram to Thiru Veha, with his folded bed (Adhi Sesha ). The Sanskrit text of this prayer is given in
1.
Srimada
Varadarajendra, Sri Vathsanga Shubha pradha.
Thundeera mandalollasi , thapathraya Nivaraka
Oh
Lord Varadaraja , who has Sri vathsa on his body, Who grants
auspiciousness, Who enjoyed staying in Thondai mandalam and
who removes three types of sufferings, *An ancient kingdom
of Tamilnadu.
2.
Sathyavrutha
kshethra vaasi sathya sajjana poshaka,
SArga sthithiyupa samharakari suguna varidhi.
Oh
Lord who lives in SAthyavrutha(Kanchipuram) temple, who nurtures
truly good people , Who does the acts of creation, upkeep and
destruction and who is ocean of good characters.
3.
Harir hasthagireesana
hatha pranatha dushkrutha,
Thathva roopa sthvashtu krutha Kanchipura varaasritha.
Oh
Hari, oh owner of Hasthagiri mountain, who destroys the sins of
those who salute you, who has the form of philosophy and who lives in the auspicious temple
made by the carpenter of heavens.
4.
Brahmarabdha
aswamedhaakhya maha makha supoojitha,
Veda vedhyo Vegavathi vega beethathma
bhoosthatha.
Oh
Lord who was worshipped in Aswamedha sacrifice
conducted by Lord Brahma, who can be known by Vedas and who has son
Brahma who was scared of the flooding of Vegavathi
river.
5.
Viswa sethur Vega
vathi sethur viswadhiko anagha,
Yadokthakari naamadyaa yajna brud yajna rakshaka\
Oh
Lord who is a bridge to the world, who is the bridge to Vega vathi, who is greater than
all the worlds, Who is faultlesswho has the name
Yadoukthakari, who receives the offering during Yajna, and who is
the protector of Yajna.
6.
Brahma
kundasanna divya, punya koti vimanagha,
Vanaya pathyarpithahaya, vapasakhilaadhara.
Oh
Lord who sits on the punya koti vimana which is near the fire place of
Brahma, and who has got the wet lips due to the vapas of horse given by lord
Brahma.
7. Varadhabhaya hasthabja vana maalaa
virajitha,
SAnkha chakra lasad prani saranagatha rakshaka.
Oh
lord who shows symbols of protection and
giving boons using his lotus like hands, who shines in the forest
garland, Whose hand shines holding the conch and the
wheel,and who protects those who surrender to him.
8. Yimam sthavanthu papagnam
purushartha Dhayakam,
Patatho srunvathaam bhakthyaa sarva sidhir
bhaved dhruvam
This
prayer destroys sins and gives Dharma, wealth
and fulfills all desires,
If
read or heard with devotion and would give
all powers.
68. Ashtottaram) on Lord Varadaraja of Kanchipuram.
om śrīmadvaradarājendrāya namaḥ | śrīvatsāṅkāya | śubhapradāya
| tuṇḍīra-maṇḍalollāsine
| tāpa-traya-nivārakāya
|
satyavrata-kṣetra-vāsine | satyāya | sajjana-poṣakāya | sargasthityupasaṁhāra-kāriṇe | suguṇa-vāridhaye
| haraye | hastigirīśānāya
| hṛta-praṇata-duṣkṛtaye | tattva-rūpāya | tvaṣṭṛ-kṛtakāñcīpura-
varāśritāya
| brahmārabdhā'śvamedhākhyamahāmakha-
supūjitāya
| veda-vedyāya | vegavatī-vegabhītātma-
bhū-stutāya
| viśva-setave namaḥ || 20 ||
om vegavatī-setave namaḥ | viśvādhikāya | anaghāya |
yadhoktakārī-nāmāḍhyāya | yajña-bhuve | yajña-rakṣakāya |
brahma-kuṇḍotpanna-divya-puṇya-koṭi-vimānagāya |
vāṇīpatyarpita-hayavapāsurabhīlādharāya
| varādā'bhayahastābjāya
| vanamālā-virājitāya | śaṅkha-cakra-lasat-pāṇaye |
śaraṇāgata-rakṣakāya | nārāyaṇāya | nīrajākṣāya | nityasūrisamarcitāya
| natā'jñāna-tamo-hantre
| nityāya | naraka-nāśanāya
| udāra-dhiye | utsavaiṣiṇe namaḥ || 40 ||
om jitvarāya namaḥ | jagadīśvarāya
| sūryaprabhāṅgadodbhāsine
| sadārādhyāya | sanātanāya
| sārthī-kṛtasraṣṭṛ-
yajñāya | saccidānanda-vigrahāya | divya-pītāmbaradharāya
| divyanmakara-kuṇḍalāya | devendrādi-stuti-prītāya
|
daharākāśa-madhyagāya | agni-madhya-lasan-mūrtaye |
ānanda-kara-darśanāya | aja-prārthita-hastīndra-śaila-vāsāya |
sudhā-pradāya
| jñāni-priyāya | jñāna-gamyāya | jñāna-dīpaprakāśakāya
| praṇavārthāya | prasannendu-mukhāya namaḥ || 60||
om patita-pāvanāya namaḥ | prativitrā-paurṇamāsiparameṣṭhi-
kṛtārccanāya | kali-dhvaṁsine | kṛta-yugaSri
kamalāsana-pūjitāya | kānanībhūta-kāñcīsthāya
| karuṇāvaruṇālayāya
| puṇya-kṣetrāsatā 'sakta-pīlu-tretāyugārcitāya
|
puṇya-ślokāya | parabrahmaṇe | puṣpavanta-vilocanāya |
gaṁbhīra-nābhaye | govindāya | geya-kīrtaye | gadādharāya |
danti-nityārpita-caturdaśa-sāhasra-paṅkajāya
| dīna-trātre |
devadevāya | danujāraye | adhokṣajāya | cakradhārī-tanakrāsyāya
| grāha-grasta-gajārti-hṛte
namaḥ || 80 ||
om hastīndropātra-kamala-harṣitāya
namaḥ | muktidāyakāya
| sudhī-jñeyāya
| surācāryāya
| sukṛta-dvāparārcanāya |
siddha-sevya-padāya | siddha-saṅkalpāya
| sundarākṛtaye |
putrecchā-vadayodhyeśa-kuśa-dhvaja-susevitāya | nijārcāmahimotpanna-
viśvajit-kṛta-patranāya | ananta-kṛta-kalyarcāprītāya
| anantā'vatāra-kṛte | ekāmreśa-priya-sakhāya |
mucukundādi-sevitāya | lakṣmyāśliṣṭa-bhujā-madhyāya |
lakṣmaṇāryopadeśa-kṛte | rāmādyaṣṭādaśa-kṣetra-rājitātmanivāsa-
bhuve | ramya-tejase | rāja-sevyāya | rājat-kāñcīvibhūṣaṇāya
namaḥ || 100 ||
om vṛṣārka-pūrṇimā-klṛpta-garuḍotsava-toṣitāya
namaḥ |
śvetātapatra-vyajana-śrīvirāja-digantarāya | anekamaṇḍapāsthāna-
kṛta-nityotsavāya | avyayāya | mahākalyāṇakoṭistha-
mahādevī-manaḥ-priyāya
| bhagavate | bhūri-kalyāṇadāyakāya
| bhakta-vatsalāya namaḥ || 108 ||
|| iti śrīvaradarāja aṣṭottara-śata-nāmāvaliḥ sampūrṇam ||
67. Shri Lakshmi Stotram
– Sri Bhargava Puranam
The following is a very rare hymn on Goddess Lakshmi from Bhargava Puranam, Uttara Khanda, and Chapter 20 as told by Lord Narayana.
śrīnārāyaṇa
uvacha -
nara śṛṇuṣva
vakṣye'haṁ rakṣārthaṁ-sarva-dehinām |
dhārayāmavatīrṇāyāṁ
lakṣmī caritaṁ uttamam || 1 ||
lakṣmīḥ
sarveśvarī padmā kalyāṇa-guṇa-śālinī |
kṛpāmayī
jaganmātā viṣṇu-vakṣaḥ-sthalālayā || 2 ||
saṁsārāmbudhi-nimagnānān
jīvān ālokya duḥkhitān |
uddhartu
kāmān tān sarvān kṛpayā parayā śubhā || 3 ||
hemāpagā-taṭe
ramye sudhāmbu-paripūrite |
padmākare
praphullābja vanarāji virājite || 4 ||
haṁsa
sārasa saṅkīrṇe cakravākopaśobhite |
puṣpare 'ṇuparicchanne
mṛgarāja-ninādite || 5 ||
kasmiṁścit
kāñcanāmbhoje phālgune māsi śobhite |
uttararkṣe
samutpannā sarva-lokaika-sevitā || 6 ||
chaturbhujā
sundarāṅgī pūrṇendu sadṛśānanā |
padma-patra-viśālākṣī
pīta-kauśeya-śobhitā || 7 ||
kara-yugma-dhṛtotphulla
rakta-padma-yugāñcitā |
hiraṇyavarṇā
hariṇī vidyut-saṅgha sama-prabhā || 8 ||
tanumadhyā
pṛthuśroṇiḥ padma-pāda-talāñcitā |
subhrūḥ
sunāsā bimboṣṭhī nīla-kuñcita-mūrdhajā || 9 ||
kambu-kaṇṭhī
nimna-nābhiḥ pīnonnata-kuca-dvayā |
padmāsane
samāsīnā padma-mālā-virājitā || 10 ||
kirīṭa-hāra-keyūra
kaṅkaṇāṅgada bhāsurā |
taruṇārka-prakāśābhyāṁ
kuṇḍalābhyāṁ virājitā || 11 ||
divya-candana-liptāṅgī
divya-srag-gandha-śobhitā |
tadā
brahmādayo devā ṛṣayaśca tapodhanāḥ || 12 ||
gandharvaścāpsaraḥ
saṅghāḥ samāgatya mudānvitāḥ |
puṣpavarṣaṁ
vavarṣuśca praṇedur dundubhīṁs tadā || 13 ||
praṇemur daṇḍavad
bhūmau stuvanto vividhaiḥ stavaiḥ |
tato brahmā
jagaddhātrī lakṣmīṁ tāṁ loka-mātaram || 14 ||
stotrayāmāsa
sadbhaktyā dhṛtvā karapuṭāñjalim |
namo
namaste śrīdevī sarvalokeśvareśvarī || 15 ||
lokamātre
namastubhyaṁ sarva-loka-niyantriṇī |
namo
viśva-śarīriṇyai viśva-rakṣaṇa-kāriṇī || 16 ||
namaste
viśva-nayane namaste viśvatomukhī |
viśvapāde
namastubhyaṁ namaste śatabāhave || 17 ||
sahasraśīrṣe
deveśī sahasrākṣī namo namaḥ |
sahasrāṅghrī
namastubhyaṁ sahasra-kara-pallave || 18 ||
hiraṇyavarṇe
hariṇī suvarṇa-rajatasraje |
chandre
hiraṇmayī lakṣmī sarva-saṁpat-prade śubhe || 19 ||
kaṭākṣa-vīkṣaṇair
devī jagantyaitānyanekaśaḥ |
utpadyante
pravartante prāpnuvanti parāṁ sukham || 20 ||
viṣṇu-vakṣaḥ-sthale
vāse tvad-vilāsārthaṁ acyutaḥ |
janayatyakhilaṁ
lokān pati sampreritas tvayā || 21 ||
tvan
netrodañcitābhyāṁ lokādhipāḥ svayam |
athavā
'pyapare kecid āsan tiryaṅ narādayaḥ || 22 ||
gandhadvārāṁ
durādharṣāṁ nitya-puṣṭāṅga-karīṣiṇīm |
īśvarīṁ-sarva-bhūtānāṁ
viṣṇor nityā 'napāyinīm || 23 ||
tvāmevopāsya
satataṁ sarva-loka-nivāsinaḥ |
dhanaṁ aśvāṁśca
gāścaiva mātaṅgāṁśca madotkaṭān || 24 ||
kauśeyāni
cha vastrāṇi ratnāni vividhāni ca |
bhūmṁ cha
putra pautrāṁśca śāstrāṇi nigamāni ca || 25 ||
jñānaṁ cha
paramaṁ loke viṣṇoḥ-sthānaṁ ca śāśvatam |
saṁprāpnuvanti
jananī kalyāṇa-guṇa-sāgare || 26 ||
sarva-loka-śaraṇye
tvāṁ ye janāḥ śaraṇāgatāḥ |
te
prāpnuvanti paramaṁ padaṁ śāśvataṁ avyayam || 27 ||
tvameva vāṇī
śarvāṇī śacī svāhā svadhā tathā |
saṁhāriṇī
samudayā bhārgavī ca sarasvatī || 28 ||
rudrāṇī
sarva-saṁpattis tvameva kamalekṣaṇe |
rohiṇī cha
tathā sañjñā prabhā ca śaśi-sūryayoḥ || 29 ||
tvameva
sarva-loke'smin tvad anyan nāsti kiñcana |
tvameva cid
acid vastu dṛśyate śrūyate hi yat || 30 ||
tatsarvaṁ
sarvato vṛtvā hyatyatiṣṭhad daśāṅgulam |
yāni yānīha
rūpāṇi bibhartti jagatāṁpatiḥ || 31 ||
teṣāṁ sadṛśa
rūpāṇi dhṛtvā tvaṁ kamalekṣaṇe |
ānandayasi
govindaṁ tulya-śīla-vayoguṇā || 32 ||
prabhāvaṁ
ca svarūpeṣu tvaṁ hi pañca-svarūpiṇī |
bhūtvā
ramayase devaṁ tat kārya saha-kāriṇī || 33 ||
sarva-chetana-rakṣārthaṁ
avatīrṇā'si bhūtale |
raṅgeśasya
priye devī rakṣārthaṁ-sarva-dehinām || 34 ||
avatīrṇā'si
jananī vātsalya-guṇa-sāgare |
etad ārabhya
loke'smin tvat-kṛpā-sāgarodbhavaiḥ || 35 ||
taraṅgaiḥ
plāvitā jīvā jagatāṁ-ādi-dampatī |
upāsanto
yuvāṁ śeṣa-bhāvenā 'khilaśeṣiṇaiḥ || 36 ||
bhava-bandha-vinirmuktāḥ
prāpsyante paramaṁ padam |
karuṇā-vīkṣaṇair
evaṁ bhaktaṁ māṁ avalokayan || 37 ||
tvaṁ
padminī tridaśa-vandita pāda-padmā |
padmāsanā
bhagavatī dhṛta-hasta-padmā |
śrīviṣṇupatnī
jagatāṁ-jananī suraśrīḥ |
tvāṁ mātaraṁ
śaraṇaṁ abja-mukhīṁ prapadye || 38 ||
|| iti śrībhārgavopapurāṇe uttara-khaṇḍe nara-nārāyaṇa-saṁvāde
mahāyogī-māhātmye śrīlakṣmī-stotraṁ sampūrṇam ||
66. Sri Rama Stotram – Sri Bhargava Puranam
The following is a rare hymn
on on Lord Rama by Lord Narayana taken from Bhargava
Upa Puranam, Uttara Khanda and Chapter 19.
rāma rājendra lokābhirāma rājīva-locana || 1 ||
yogīndra citta-kamala dyumaṇe kamalā-sakha |
digānta viśrutaudārya yaśaḥ stoma niketana || 2 ||
sarva-pāpaugha-saṁhāra nāmadheya kṛpānidhe |
brahmendrādi-vinuta praṇanāmara-bhūruha || 3 ||
namo dāśarathe rāma kauśalyā-garbha-saṁbhava |
tāṭakācala-vidhvaṁsa kauśikādhvara-pālaka || 4 ||
namaścaṇḍīśa kodaṇḍa khaṇḍa śauṇḍa mahābhuja |
dharitrī putrikā-pāṇi-grahaṇollāsa bhāsura || 5 ||
namaste bhārgavānargalā-bhaṅga madasaṁhara |
mārtāṇḍānvaya rājīva dinarāja jitāsura || 6 ||
diganta viśruta tyakta guru rājyābhiṣecana |
niṣāda poṣakādhīśa viditāmara-vandita || 7 ||
namastu76bhyaṁ bharadvāja-muni-saṁpūjitā'jita |
citrakūṭa-vihārādri muni-satkāra-satkṛta || 8 ||
pada-paṅkaja sañcāra maṇḍitā 'khila-daṇḍaka |
namaḥ kharādi kravyāda śuṣkāraṇya davānala || 9 ||
namaste varanārāca bhinna-māyā-kuraṅgaka |
tiryag-yonija pakṣīndra mokṣa-dāna-vicakṣaṇa || 10 ||
śabarī-saṁbhṛta-phala-bhoktā 'mṛta-phala-prada |
namaste bāli-nirmūla bāṇa-līlā-vilokana || 11 ||
bandhuragrīva sugrīva rājyā'nugraha vigraha |
namo mudrā'rcita kapi mudrikā bhadra-dāyaka || 12 ||
śaraṇāgata paulastya bharaṇābharaṇāvrata |
pārāvāra payo-madhye setu-kṛte namo namaḥ || 13 ||
laṅkālaṅkāra-haraṇa saṅgarāraṅga-kṣobhana |
sarva-rākṣasa-sandāha dāvāgni-śamanāmbuda || 14 ||
kumbhakarṇa-madoddaṇḍa vadanaccheda-kesarin |
bhañjitākhaṇḍala-bhuja pracaṇḍa prabhu bhañjana || 15 ||
daśa kandhara pañcāsya saṁhāra karaṇe prabho |
namo brahma-rudrendra pramukhā 'mara-sannuta || 16 ||
vibhīṣaṇā'bhiṣeka śrīsaṁbhṛtānanda gumphita |
vāmāṅka-vilasat-sītā ramaṇārūḍha puṣpaka || 17 ||
sāketastha janasyābja taruṇārka namo namaḥ |
divya-siṁhāsanārūḍha sarva-lokeśvareśvara || 18 ||
sahodara-dhṛtacchatra cāmarādi paricchada |
sarva-rājasya-sañjuṣṭa mahāsāmrājya-vaibhava || 19 ||
namaste jānakī-nātha namaste bhakta-vatsala |
namaste karuṇāsindho rāmacandra namo'stu te || 20 ||
vedānāṁ devatānāṁ ca mṛgyastaṁ raghu-nandana |
kṣudrasya naramātrasya pratyakṣo'bhūn mamādhunā || 21 ||
kṛtārtho'smi raghu-śreṣṭha pāhi māṁ bharatāgraja || 22 ||
|| iti śrīmadbhārgavopapurāṇe
uttara-khaṇḍe naranārāyaṇa-saṁvāde mahāyogi-māhātmye śrīrāma stotraṁ sampurnam
||
65. Sri Surya Nama Varnanam – Sri Brahma – Sri Bhavishya Puranam
The following is a rare
hymn on Lord Surya by Lord Brahma taken from Bhavishya Puranam
Saptami Kalpa, and Chapter 71
titled
Surya Nama Varnanam. In the Phalashruti Lord Brahma promises the following benefits for those who recite this
rare hymn thrice a day along with Sandhyopasana at the end:
• Mere recital of this
hymn will destroy all sins.
• Accrual of wealth,
status, health and all other benefits which were accrued by Lord Brahma Himself when He prayed to Lord
Surya
with this hymn.
brahmovāca -
namaḥ sūryāya nityāya ravaye kāryabhānave |
bhāskarāya mataṅgāya mārtāṇḍāya vivasvate || 1 ||
ādityāyādidevāya namaste raśmi-māline |
divākarāya dīptāya agnaye mihirāya ca || 2 ||
prabhākarāya mitrāya namaste 'diti-saṁbhava |
namo-gopataye nityaṁ diśāṁ-ca-pataye namaḥ || 3 ||
namo dhātre vidhātre ca aryamṇe varuṇāya ca |
pūṣṇe bhagāya mitrāya parjanyāyāṁśave namaḥ || 4 ||
namo hitakṛte nityaṁ dharmāya tapanāya ca |
haraye haritāśvāya viśvasya-pataye namaḥ || 5 ||
viṣṇave brahmaṇe nityaṁ tryambakāya tathātmane |
namaste sapta-lokeśa namaste sapta-saptaye || 6 ||
ekasmai hi namastubhyaṁ eka-cakra-rathāya ca |
jyotiṣāṁ-pataye nityaṁ sarva-prāṇa-bhṛte namaḥ || 7 ||
hitāya-sarva-bhūtānāṁ śivāyārti-harāya ca |
namaḥ padma-prabodhāya namo vedādimūrtaye || 8 ||
kādhijāya namastubhyaṁ namastārā-sutāya ca |
bhīmajāya namastubhyaṁ pāvakāya ca vai namaḥ || 9 ||
dhiṣaṇaya namo nityaṁ namaḥ kṛṣṇāya nityadā |
namo'stvaditi-putrāya namo lakṣyāya nityaśaḥ || 10 ||
||
phalaśrutiḥ ||
etānyāditya nāmāni mayā proktāni vai purā |
ārādhanāya devasya sarva-kāmena suvrata || 11 ||
sāyaṁ prātaḥ śucir bhūtvā yaḥ paṭhet susamāhitaḥ |
sa prāpnotyakhilān kāmān yathā'haṁ prāptavān purā || 12 ||
prasādāt tasya devasya bhāskarasya mahātmanaḥ |
śrīkāmaḥ-śriyaṁ-āpnoti dharmārthī-dharmaṁ-āpnuyāt || 13 ||
āturo-mucyate-rogād baddho-mucyeta-bandhanāt |
rājyārthī-rājyaṁ-āpnoti kāmārthī-kāmaṁ-āpnuyāt || 14 ||
etaj japyaṁ rahasyaṁ ca sandhyopāsanaṁ eva ca |
etena japa mātreṇa naraḥ pāpāt pramucyate || 15 ||
|| iti
śrībhaviṣye māhāpurāṇe saptamī-kalpe
sūryanāma-varṇanaṁ sampūrṇam ||
64. Sri Hari Stuti – Sri Radhika – Brahma Vaivarta Puranam
The following is a rare hymn on on Lord Vishnu by Sri
Radhika taken from Brahma Vaivarta Puranam, Krishna
Janma Khanda and Chapter 27. In the Phalashruti
at the end, the following benefits are said to
accrue for those who recite this rare hymn with devotion:
• One who recites this hymn thrice a day attains true Bhakti and
servitude to Lord Vishnu and attains the same status as Radha.
• One who recites this hymn at the time any calamity or difficulty
will see the elimination of those difficulties, gets abundance including the
wealth lost for a long time, clarity of mind, etc.
• One who
recites this for one full year becomes equivalent of Sri Krishna in terms of
qualities.
śrīrādhikovāca -
golokanātha gopīśa madīśa prāṇa-vallabha |
he dīnabandho dīneśa sarveśvara namo'stu te || 1 ||
gopeśa go-samūheśa yaśodānanda-vardhana |
nandātmaja sadānanda nityānanda namo'stu te || 2 ||
śatamanyor manyubhagna brahma-darpa-vināśaka |
kālīya-damana prāṇa-nātha kṛṣṇa namo'stu te || 3 ||
śivānanteśa brahmeśa brāhmaṇeśa parātpara |
brahma-svarūpa brahmajña brahmabīja namo'stu te || 4 ||
carācara-taror-bīja guṇātīta guṇātmaka |
guṇabīja guṇādhāra guṇeśvara namo'stu te || 5 ||
aṇimādika-siddhīśa siddhe siddhi-svarūpaka |
tapas tapasviṁs tapasāṁ bījarūpa namo'stu te || 6 ||
yad anirvacanīyaṁ ca vastu nirvacanīyakam |
tatsvarūpa tayorbīja sarvabīja namo'stu te || 7 ||
ahaṁ sarasvatī lakṣmīr durgā gaṅgā śrutaprasūḥ |
yasya pādārcanān nityaṁ pūjyās tasmai namo namaḥ || 10 ||
|| phalaśrutiḥ ||
rādhākṛtaṁ hareḥ stotraṁ trisandhyaṁ yaḥ paṭhen naraḥ |
hari-bhaktiṁ ca dāsyaṁ ca labhed rādhā-gatiṁ dhruvam || 11 ||
vipattau yaḥ paṭhed bhaktyā sadyaḥ saṁpattiṁ āpnuyāt |
cirakāla-gataṁ dravyaṁ hṛtaṁ naṣṭaṁ ca labhyate || 12 ||
bandhu-vṛddhir bhavet tasya prasannaṁ mānasaṁ param |
cintāgrastaḥ paṭhed bhaktyā parāṁ nivṛttiṁ āpnuyāt || 13 ||
patibhede putrabhede mitrabhede ca saṅkaṭe |
māsaṁ bhaktyā yadi paṭhed sadyaḥ sarva-darśanaṁ labhet ||14||
bhaktyā kumārī stotraṁ ca śṛṇuyād vatsaraṁ yadi |
śrīkṛṣṇa sadṛśaṁ kāntaṁ guṇavantaṁ labhed dhruvam || 15 ||
|| iti brāhme-vaivarte mahāpurāṇe
śrīkṛṣṇa-janma-khaṇḍeśrīrādhikā-kṛta śrīharerstutiḥ sampūrṇam ||
63. Sri Rudra Stuti – Lord Brahma – Sri Kurma Puranam
Following is a rare hymn on Lord
Rudra by Lord Brahma taken from Sri Kurma
Puranam, and Chapter
10.
śrībrahmovāca -
namaste'stu mahādeva namaste
parameśvara |
namaḥ śivāya devāya namaste
brahma-rūpiṇe || 1 ||
namo'stu te maheśāya namaḥ
śāntāya hetave |
pradhāna-puruṣeśāya
yogādhipataye namaḥ || 2 ||
namaḥ kālāya rudrāya mahāgrāsāya
śūline |
namaḥ pināka-hastāya
trinetrāya namo namaḥ || 3 ||
namastrimūrtaye tubhyaṁ
brahmaṇe janakāya te |
brahmavidyā'dhipataye
brahmavidyā-pradāyine || 4 ||
namo veda-rahasyāya
kālakālāya te namaḥ |
vedānta-sāra-sārāya namo
vedātma-mūrtaye || 5 ||
namo buddhāya śuddhāya
yogīnāṁ-gurave namaḥ |
prahīṇa-śokair-vividhair
bhūtaiḥ parivṛtāya te || 6 ||
namo brahmaṇya-devāya
brahmādhipataye namaḥ |
tryambakāya devāya namaste
parameṣṭhine || 7 ||
namo digvāsase tubhyaṁ namo
muṇḍāya daṇḍine |
anādi-mala-hīnāya
jñāna-gamyāya te namaḥ || 8 ||
namastārāya tīrthāya namo
yogarddhi-hetave |
namo dharmādhigamyāya
yogagamyāya te namaḥ || 9 ||
namaste niṣprapañcāya
nirābhāsāya te namaḥ |
brahmaṇe viśvarūpāya namaste
paramātmane || 10 ||
tvayaiva-sṛṣṭaṁ-akhilaṁ tvayyeva-sakalaṁ-sthitam
|
tvayā-saṁhriyate-viśvaṁ
pradhānādyaṁ jaganmaya || 11 ||
tvaṁ-īśvaro mahādevaḥ paraṁbrahma
maheśvaraḥ |
parameṣṭhī śivaḥ śāntaḥ puruṣo
niṣkalo haraḥ || 12 ||
tvameva-puruṣo 'nantaḥ pradhānaṁ
prakṛtis tathā || 13 ||
bhūmir āpo 'nalo vāyur vyomā
'haṁkāra eva ca |
yasya-rūpaṁ namasyāmi
bhavantaṁ brahma-saṁjñitam || 14 ||
yasya-dyaur-abhavan mūrdhā
pādau pṛthvī diśo bhujāḥ |
ākāśaṁ udaraṁ tasmai virāje
praṇamāmyaham || 15 ||
saṁpātayati yo viśvaṁ
svabhābhir bhāsayan diśaḥ |
brahma-tejo-mayaṁ nityaṁ
tasmai sūryātmane namaḥ || 16 ||
havyaṁ vahati yo nityaṁ
raudrī tejomayī tanuḥ |
kavyaṁ pitṛ-gaṇānāṁ ca
tasmai vahnyātmane namaḥ || 17 ||
āpyāyati yo nityaṁ svadhāmnā
sakalaṁ jagat |
pīyate devatā-saṅghais
tasmai sevātmane namaḥ || 18 ||
bibhartyaśeṣa-bhūtāni
yo'ntaścarati sarvadā |
śaktir māheśvarī tubhyaṁ
tasmai vāyvātmane namaḥ || 19 ||
srujatyaśeṣaṁ evedaṁ yaḥ
svakarmānurūpataḥ |
svātmanyava-sthitas-tasmai
caturvaktrātmane namaḥ || 20 ||
yaḥ-śeṣa-śayane śete viśvaṁ
āvṛtya māyayā |
svātmānubhūti-yogena tasmai
viśvātmane namaḥ || 21 ||
bibharti-śirasā-nityaṁ
dvi-sapta-bhuvanātmakam |
brahmāṇḍaṁ yo 'khilādhāras
tasmai śeṣātmane namaḥ || 22 ||
yaḥ parānte parānandaṁ pītvā
divyaika-sākṣikam |
nṛtyatyanta-mahimā tasmai
rudrātmane namaḥ || 23 ||
yo 'ntarā-sarva-bhūtānāṁ
niyantā tiṣṭhatīśvaraḥ |
taṁ sarva-sākṣiṇaṁ devaṁ
namasye bhavatastanum || 24 ||
yaṁ vinidrā jitaśvāsāḥ santuṣṭāḥ
samadarśinaḥ |
jyotiḥ paśyanti yuñjānas
tasmai yogātmane namaḥ || 25 ||
yayā santarate māyāṁ yogī saṁkṣīṇa-kalmaṣaḥ
|
apāra-tara-paryantāṁ tasmai
vidyātmane namaḥ || 26 ||
yasya bhāsā vibhātīdaṁ advayaṁ
tamasaḥ param |
prapadye tat paraṁ tattvaṁ
tadrūpaṁ parameśvaram || 27 ||
nityānandaṁ nirādhāraṁ niṣkalaṁ
paramaṁ śivam |
prapadye paramātmānaṁ
bhavantaṁ parameśvaram || 28 ||
|| iti
śrīkūrme mahāpurāṇe pūrva-vibhāge śrībrahma kṛta śrīrudra-stutiḥ sampūrṇam ||
62. HYMN ON LORD
VISHNU BY DHRUVA FROM SKANDA PURANA
The following is a rare hymn on on Lord
Vishnu by Dhruva taken from Skanda Puranam, Kashi
Khanda and Chapter 21. In the Phalashruti at the end,
Lord Vishnu promises the following benefits for those who
recite this rare hymn thrice a day:
• There are
countless hymns on Me but this one is very close to my heart
• It is
capable of destroying all sins including that of the sin accrued by killing a
Brahmavit (Brahmana)
• It is
capable of destroying all misfortunes like ill-health, poverty, etc and
bestowing choicest boons such as health, wealth, progeny, true devotion, and Punya.
• It is
capable of bestowing the benefit of bathing in all the holy waters, performing
all forms of charity (dAna) and observing all austerities (Vratas).
dhruva uvāca -
namo hiraṇyagarbhāya sarva-sṛṣṭi-vidhāyine |
hiraṇyaretase tubhyaṁ suhiraṇya-pradāyine || 1 ||
namo-hara-svarūpāya bhūta-saṁhāra-kāriṇe |
mahābhūtātma-bhūtāya bhūtānāṁ-pataye namaḥ || 2 ||
namaḥ-sthiti-kṛte tubhyaṁ viṣṇave prabhaviṣṇave |
tṛṣṇā-harāya kṛṣṇāya mahābhāra-sahiṣṇave || 3 ||
namo daitya mahāraṇya dāva-vahni-svarūpiṇe |
daitya-druma-kuṭhārāya namaste-śārṅgapāṇaye || 4 ||
namaḥ kaumodakī vyagra karāgrāya gadādhara |
mahādanuja-nāśāya namo-nandaka-dhāriṇe || 5 ||
namaḥ-śrīpataye-tubhyaṁ namaścakradharāya ca |
dharādharāya vārāha-rūpiṇe paramātmane || 6 ||
namaḥ-kamala-hastāya kamalā-vallabhāya te |
namo-matsyādi-rūpāya namaḥ-kaustubha-vakṣase || 7 ||
namo-vedānta-vedyāya namaḥ-śrīvatsa-dhāriṇe |
namo-guṇa-svarūpāya guṇine guṇa-varjite || 8 ||
namaste-padmanābhāya pāñcajanya-dharāya ca |
vāsudeva-namastubhyaṁ devakī-nandanāya ca || 9 ||
pradyumnāya-namastubhyaṁ aniruddhāya-te-namaḥ |
namaḥ-kaṁsa-vināśaya namaścāṇūra-mardine || 10 ||
dāmodara hṛṣīkeśa govindā 'cyuta mādhava |
upendra kaiṭabhārāte madhu-hantaradhokṣaja || 11 ||
nārāyaṇāya naraka-hāriṇe pāpa-hāriṇe |
vāmanāya-namastubhyaṁ haraye śauraye namaḥ || 12 ||
anantāya-namastubhyaṁ ananta-śayanāya ca |
rukmiṇī-pataye-tubhyaṁ rukmi-pramathanāya ca || 13 ||
caidya-hantre-namastubhyaṁ dānavāre surāraye |
mukunda paramānanda nandagopa-priyāya ca || 14 ||
namaste-puṇḍarīkākṣa danujendra-niṣūdana |
namo-gopāla-rūpāya veṇu-vādana-kāriṇe || 15 ||
gopī-priyāya keśighne govardhana-dharāya ca |
rāmāya raghunāthāya rāghavāya namo namaḥ || 16 ||
rāvaṇāre-namastubhyaṁ vibhīṣaṇa-śaraṇyada |
ajāya jaya-rūpāya raṇāṅgaṇa-vicakṣaṇa || 17 |
kṣaṇādi-kāla-rūpāya nānārūpāya śārṅgiṇe |
gadine cakriṇe tubhyaṁ daitya-cakra-vimardine || 18 ||
balāya balabhadrāya balārāti-priyāya ca |
bali-yajña-pramathana namo-bhakta-vara-prada || 19 ||
hiraṇyakaśipor-vakṣo-vidāraṇa raṇa-priya |
namo-brahmaṇya-devāya gobrāhmaṇa-hitāya ca || 20 ||
namaste-dharma-rūpāya namaḥ-sattva-guṇāya ca |
namaḥ-sahasra-śirase puruṣāya parāya ca || 21 ||
sahasrākṣa sahasrāṅghre sahasra-kiraṇāya ca |
sahasramūrte śrīkānta namaste-yajña-pūruṣa || 22 ||
veda-vedya-svarūpāya namo-veda-priyāya ca |
vedāya veda-gadine sadācārādhvagāmine || 23 ||
vaikuṇṭhāya-namastubhyaṁ namo-vaikuṇṭha-vāsine |
viṣṭaraśravase-tubhyaṁ namo-garuḍa-gāmine || 24 ||
viṣvaksena-namastubhyaṁ jaganmaya janārdana |
trivikramāya satyāya namaḥ-satya-priyāya ca || 25 ||
keśavāya-namastubhyaṁ māyine brahma-gāyine |
tapo-rūpāya tapase namaste phala-dāyine || 26 ||
stutyāya stuti-rūpāya bhakta-stuti-ratāya ca |
namaste-stuti-rūpāya śrutyācāra-priyāya ca || 27 ||
aṇḍajāya-namastubhyaṁ svedajāya-namo'stu te |
jarāyuja-svarūpāya nama-udbhijja-rūpiṇe || 28 ||
devānāṁ-indra-rūpo'si grahāṇāmasi-bhānumān |
lokānāṁ-satyaloko'si sindhūnāṁ-kṣīra-sāgaraḥ || 29 ||
surāpagā'si-saritāṁ sarasāṁ-mānasaṁ-saraḥ |
himavānasi-śailānāṁ dhenūnāṁ-kāmadhug bhavān || 30 ||
dhātūnāṁ-hāṭakamasi sphaṭikaścopaleṣvasi |
nīlotphalaṁ-prasūneṣu vṛkṣeṣu-tulasī bhavān || 31 ||
sarva-pūjya-śilānāṁ vai śālagrāma-śilā bhavān |
mukti-kṣetreṣu-kāśī-tvaṁ prayāgastīrtha-paṅktiṣu || 32 ||
varṇeṣu-śveta-varṇo'si dvipadāṁ-brāhmaṇo bhavān |
garuḍo 'syaṇḍajeṣvīśa vyavahāreṣu-vāg bhavān || 33 ||
vedeṣūpaniṣad-rūpo mantrāṇāṁ-praṇavohyasi |
akṣarāṇāṁ-akāro'si yajvanāṁ-soma-rūpa-dhṛk || 34 ||
pratāpināṁ-agnirasi kṣamā'si-tvaṁ-kṣamāvatām |
dātṝṇāmasi-parjanyaḥ pavitrāṇāṁ-paro-hyasi || 35 ||
cāpo'si-sarva-śaśtrāṇāṁ vāto-vegavatāmasi |
mano'sīndriya-vargeṣu nirbhayāṇāṁ karohyasi || 36 ||
vyoma-vyāptimatāṁ tvaṁ vai paramātmā'si
cātmanām |
sandhyopāstir-bhavān deva sarva-nityeṣu-karmasu || 37 ||
kratūnāṁ-aśvamedho'si dānānāṁ-abhayaṁ bhavān |
lābhānāṁ-putra-lābho'si vasantastvaṁ-ṛtuṣvaho || 38 ||
yugānāṁ-prathamo'si tvaṁ tithīnāṁ-tvaṁ-kuhū-hyasi |
puṣyo'si-nakṣatra-gaṇe saṅkramaḥ-sarva-parvasu || 39 ||
yogeṣu-vyatīpātas tvaṁ tṛṇeṣu-hi-kuśo bhavān |
udyamānāṁ-hi-sarveṣāṁ nirvāṇaṁ-tvamasi-prabho || 40 ||
sarvāsāṁ-iha-buddhīnāṁ-dharma-buddhir bhavānaja |
aśvatthaḥ-sarva-vṛkṣeṣu somavallī-latāsu ca || 41 ||
prāṇāyāmo'si-sarveṣu-sādhaneṣu śuciṣvaho |
sarvadaḥ sarva-liṅgeṣu śrīmān viśveśvaro bhavān || 42 ||
mitrāṇāṁ-hi-kalatrastvaṁ dharmastvaṁ-sarva-bandhuṣu |
tvatto-nānyaj-jagat-yasmin nārāyaṇa carācare || 43 ||
tvameva-mātā tvaṁ-tātas tvaṁ-suhṛt tvaṁ-mahādhanam |
tvameva-saukhya-saṁpattis tvaṁ-āyur-jīvaneśvaraḥ || 44 ||
sā kathā yatra te nāma tanmano yattva-darpitam |
tatkarma yattvadarthaṁ vai tattapo yadbhavat smṛtiḥ || 45 ||
taddhanaṁ dhanināṁ śuddhaṁ yattvadarthe vyayī-kṛtam |
sa eva sakalaḥ kālo yasmiñ jiṣṇo tvaṁ-arcyase || 46 ||
tāvañ-jīvitaṁ śreyo yāvat tvaṁ hṛdi vartase |
rogāḥ-praśamaṁ-āyānti tvat-pādodaka-sevanāt || 47 ||
mahāpāpāni govinda bahu-janmārjitānyapi |
sadyo-vilayaṁ-āyānti vāsudeveti-kīrtanāt || 48 ||
aho-puṁsāṁ mahāmohas tvaho-puṁsāṁ-pramādatā |
vāsudevamanādṛtya yadanyatra kṛtaśramāḥ || 49 ||
idameva-hi-māṅgalyaṁ idameva-hi-dhanārjanam |
jīvitasya-phalaṁ caitad yad-dāmodara-kīrtanam || 50 ||
adhokṣajāt-paro-dharmān artho-nārāyaṇāt-paraḥ |
na-kāmaḥ-keśavād-anyo nā'pavargā-harir-vinā || 51 ||
iyameva-parāhāṅghri upasargāyameva hi |
abhāgyaṁ-paramaṁ caitad vāsudevaṁ na yat smaret || 52 ||
harer-ārādhanaṁ puṁsāṁ kiṁ kiṁ na kurute bata |
putra-mitra-kalatrā'rtha rājya-svargā'pavargadam || 53 ||
haratyaghaṁ-dhvaṁsayati vyādhīnādhīn-niyacchati |
dharmaṁ-vivardhayet-kṣipraṁ prayacchati-manoratham || 54 ||
bhagavac-caraṇa-dvandva nirdvandva-dhyānamuttamam |
pāpināpi prasaṅgena vihitaṁ svahitaṁ param || 55 ||
pāpīnāṁ-yāni-pāpāni mahopapadabhāñjyapi |
sulīna-dhyāna-saṁpanno nāmoccāro-harerharet || 56 ||
pramādādapi saṁspṛṣṭo yathā'nalakaṇo-dahet |
tathauṣṭha-puṭa-saṁspṛṣṭaṁ hari-nāma-haredagham || 57 ||
nitāntaṁ kamalā-kānte śāntaṁ cittaṁ vidhāya yaḥ |
saṁśīlayet kṣaṇaṁ nūnaṁ kamalā tatra niścalā || 58 ||
ayameva-paro-dharmas tvidameva-parantapaḥ |
idameva-paraṁ-tīrthaṁ viṣṇu-pādāmbu-yat-pibet || 59 ||
tavopahāraṁ-bhaktyā-yaḥ sevate yajña-pūruṣa |
sevitas tena niyataṁ puroḍāśo mahādhiyā || 60 ||
sa caivāvabhṛtha-snānaḥ sa ca gaṅgā-jalāplutaḥ |
viṣṇu-pādodakaṁ-kṛtvā śaṅkhe yaḥ snāti mānavaḥ || 61 ||
śālagrāma śilā yena pūjitā tulasī-dalaiḥ |
sā pārijāta-mālābhiḥ pūjyate sura-sadmani || 62 ||
brāhmaṇaḥ kṣatriyo vaiśyaḥ śūdro vā yadi vetaraḥ |
viṣṇu-bhakti salā-yukto jñeyaḥ sarvottamaśca saḥ || 63 ||
śaṅkha-cakrāṅkita-tanuḥ śirasā mañjarīdharaḥ |
gopīcandana-liptāṅgo dṛṣṭaścet tadaghaṁ-kutaḥ || 64 ||
pratyahaṁ-dvādaśa-śilāḥ śālagrāmasya yo'rcayet
|
dvāravatyāḥ śilā-yuktāḥ sa vaikuṇṭhe mahīyate || 65 ||
tulasī yasya bhavane pratyahaṁ paripūjyate |
tad-gṛhaṁ no'pasarpanti kadācid yama-kiṅkarāḥ || 66 ||
hari-nāmākṣara-mukhaṁ bhāle gopīmṛdāṅkitam |
tulasī-mālitoraskaṁ spṛśeyur nayamānugāḥ || 67 ||
gopīmṛt tulasī śaṅkhaḥ śālagrāmaḥ sacakrakaḥ |
gṛhe'pi yasyapañcaite tasya-pāpa-bhayaṁ-kutaḥ || 68 ||
ye-muhūrtāḥ kṣaṇā ye ca yā kāṣṭhā ye nimeṣakāḥ |
ṛte viṣṇu smṛter yātās teṣu muṣṭo yamena saḥ || 69 ||
kva dvayakṣaraṁ harer nāma sphuliṅga sadṛśaṁ jvalat |
mahatī-pātakānāñca rāśistūlopamā kva ca || 70 ||
govindaṁ paramānandaṁ mukundaṁ madhusūdanam |
tyaktvā'nyaṁ-naiva-jānāmi na-bhajāmi smarāmi-na || 71 ||
na-namāmi na-ca-staumi na-paśyāmīha-cakṣuṣā |
na-spṛśāmi na-vāyāmi gāyāmi-na harir-vinā || 72 ||
jale sthale ca pātāle 'pyanile cā 'nale 'cale |
vidyādharāsurasure kinnare vānare nare || 73 ||
tṛṇes traiṇe ca pāṣāṇe taru-gulma-latāsu ca |
sarvatra-śyāmala-tanuṁ vīkṣe śrīvatsa-vakṣasam || 74 ||
sarveṣāṁ-hṛdayā-vāsaḥ sākṣāt-sākṣī tvameva hi |
bahirantarvinātvāntu na hyanyaṁ vedmi sarvagam || 75 ||
|| phalaśrutiḥ ||
śrībhagavān uvāca -
idaṁ stotravaraṁ yastu paṭhiṣyati samāhitaḥ |
trisandhyaṁ manujas tasya pāpaṁ yāsyati saṁkṣayam || 76 ||
na tasya sadanaṁ lakṣmīṁ parityakṣyatyasaṁśayam |
na jananyā viyogaśca na-bandhu-kalahodayaḥ || 77 ||
dhruva stutir iyaṁ puṇyaṁ mahāpātaka-nāśinī |
brahmahāpi-viśuddhyeta kā-kathetara-pāpinām || 78 ||
mahāpuṇyasya-jananī mahāsampatti-dāyinī |
mahopasarga-śamanī mahāvyādhi-vināśinī || 79 ||
yasyā'sti-paramā-bhaktir mayi nirmala-cetasaḥ |
dhruva-stutir-iyaṁ tena japyā matprīti-kāriṇī || 80 ||
samasta-tīrtha-snānena yat-phalaṁ-labhate-naraḥ |
tatphalaṁ-samyag-āpnoti japan stutyā na yā mudā || 81 ||
santi stotrāṇyanekāni mama prīti karāṇi ca |
dhruva stuter nacaitasyāḥ kalāmarhanti ṣoḍaśīm || 82 ||
śrutvāpī māṁ stutiṁ martyaḥ śraddhayā parayā mudā |
pātakair mucyate sadyo mahatpuṇyaṁ avāpnuyāt || 83 ||
aputraḥ-putraṁ-āpnoti nirdhano-dhanaṁ-āpnuyāt |
abhakto-bhaktiṁ-āpnoti kīrtanācca dhruvastuteḥ || 84 ||
dattvā-dānānyanekāni kṛtvā-nānā-vratāni ca |
yathā-lābhān-avāpnoti tathā stutyā 'nayā naraḥ || 85 ||
tyaktvā-sarvāṇi-kāryāṇi tyaktvā-japyānyanekaśaḥ |
dhruva-stutir-iyaṁ japyā sarva-kāma-pradāyinī || 86 ||
|| iti śrīskānde mahāpurāṇe kāśī-khaṇḍe dhruva-kṛta
śrībhagavatstutiḥ sampūrṇam ||
61. HYMN ON LORD KRISHNNA FROM AKRURA--BRAHMA
VAIVARTA PURANA
The
following is a rare hymn on Lord
Krishna by Akrura taken from Brahma VaivartaPuranam, Krishna Janma Khanda and Chapter 70. The brief Phalashruti mentions that one who recites this
hymn will be blessed with progeny, wealth, landed property, comfort, etc.
akrūra uvāca -
namaḥ kāraṇa-rūpāya paramātma-svarūpiṇe || 1 ||
sarveṣāṁ-api-viśvānāṁ-īśvarāya namo namaḥ |
parāya prakṛter īśa parātpara-tarāya ca || 2 ||
nirguṇāya nirīhāya nīrūpāya svarūpiṇe |
sarva-deva-svarūpāya sarva-deveśvarāya ca || 3 ||
sarva-devādhi-devāya viśvādi-bhūta-rūpiṇe |
asaṅkhyeṣu ca viśveṣu brahma-viṣṇu-śivātmaka || 4 ||
svarūpā''di-bījāya tadīśa viśva-rūpiṇe |
namo gopāṅganeśāya gaṇeśeśvara-rūpiṇe || 5 ||
namaḥ sura-gaṇeśāya rādheśāya namo namaḥ |
rādha-ramaṇa-rūpāya rādhā-rūpa-dharāya ca || 6 ||
rādhā'rādhyāya rādhāyāḥ prāṇādhika-tarāya ca |
rādhāsādhyāya rādhādhi deva-priya-tamāya ca || 7 ||
rādhā-prāṇādhi-devāya viśvarūpāya te namaḥ |
veda-stutā'tma-vedajña-rūpiṇe sarva-vedine || 8 ||
vedadhiṣṭhādhṛ-devāya veda-bījāya te namaḥ |
yasya-lomasu viśvāni cā'saṅkhyani ca nityaśaḥ || 9 ||
mahad viṣṇor īśvarāya viśveśāya namo namaḥ |
svayaṁ-prakṛti-rūpāya prākṛtāya namo namaḥ || 10 ||
prakṛtīśvara-rūpāya pradhāna-puruṣāya ca |
|| phalaśrutiḥ ||
ityakrūra-kṛtaṁ stotraṁ yaḥ-paṭhet-susamāhitaḥ || 11 ||
aputro-labhate-putraṁ abhāryo-labhate-priyām |
adhano-dhanaṁ-āpnoti nirbhūmir urvarāṁ mahīm || 12 ||
hataprajaḥ-prajā-lābhaṁ pratiṣṭhāṁ-cā'pratiṣṭhitaḥ |
yaśaḥ-prāpnoti vipulaṁ ayaśasvī ca līlayā || 12 ||
|| iti
śrībrāhme-vaivarte-mahāpurāṇe śrīkṛṣṇa-janma-khaṇḍe akrūra-kṛta śrīkṛṣṇa-stutiḥ
sampūrṇam ||
No comments:
Post a Comment